Como varía o tamaño das gominolas ao mergullalas en distintas disolucións?

Neste experimento usaremos osiños de gominola da mesma marca, cor e tamaño. Preguntámonos cal será o seu comportamento en distintas disolucións.

Materiais

Osiños de gominola “Haribo”

Recipiente de plástico

Auga (50ml)

Sal (1 culleriña)

Azucre (1 culleriña)

Regra de 20-30 cm

• O primeiro que debemos atender é á pregunta ou cuestión guía do noso experimento.

Como varía o tamaño das gominolas ao engadirlle auga, auga con sal ou auga con azucre?

• O seguinte paso será elaborar unha hipótese ou predición. Neste caso temos tres posibilidades:

                 Os osiños gominola medran nos tres casos igual.
                 Os osiños gominola medran máis nun caso que noutro.
                 Os osiños non medran.

Escolle unha das opcións.

Escolleremos tres osiños da mesma cor e medirémolos para asegurarnos de que teñen a mesma medida. A continuación, un sumerxemolo no recipiente con auga, outro na disolución salina e o terceiro na disolución azucrada. Ao cabo de cinco días volveremos a medilos. Que pasou cos osiños?